மூன்று அலறல்கள்

இப்போது நாங்கள் நான்காவது மாடியில் வசித்துக்கொண்டிருக்கிறோம். கீழ் மற்றும் எதிர் வீடுகளிலிருப்போர் அதிர்ச்சியடையும் வண்ணம் திடீர் திடீர் என எங்கள் வீட்டிலிருந்து அலறல் சத்தம் கேட்டுக்கொண்டேயிருக்கிறது, பகல் நேரங்களிலும் நள்ளிரவு நேர‌ங்களிலும் கூட..


அலறுவது யார்? ஏன்?


*ஆசை ஆசையாய் வாங்கிவந்த புதிய பேனா கரகரவென தரையில் வைத்து கீறப்படுகிறது.


*மெயில் செக் பண்ணிக் கொண்டிருக்கப்படும் போது கீ போர்டில் சர்ரென பிஸ் அடிக்கப்படுகிறது.


*பல் தேய்த்துவிட்டு பேப்பர் பார்க்க பேப்பரை தேடினால் அதற்குள்ளாகவே சுக்கல் நூறாக கிழிக்கப்பட்டிருக்கிறது. சமயங்களில் டாய்லெட் பேப்பராக பயன்பாட்டில் இருந்து கொண்டிருக்கிறது.


*பைக் சாவி வாசல் வெளியில் கண்டெடுக்கப்படும் நிமிடங்களில்..


"ஆஆஆஆஆஆஆவ்வ்வ்.."


அலறுவது நான்.!


*சாப்பிட்டுக்கொண்டிருக்கும் போது டிவி ரிமோட் கண்ட்ரோலர் புளிக்குழம்பு சட்டியில் திடுமென முக்கி வைக்கப்படுகிறது.


*ஒரு குடம் நன்னீரில் காகம் கதை போல ஒரு வெங்காயம், இரண்டு காரட்டுகள், ஒரு டூத்பிரஷ், ஒரு செல்போன், ஒரு சோப்பு இவை கண்டெடுக்கப்படுகிறது.


*பாட்டிலில் ஊற்றுவதற்கு முந்தைய விநாடிகளில் ஆறவைக்கப்பட்டிருந்த பால் மெத்தையில் கொட்டுப்படுகிறது.


*நள்ளிரவில் தோளில் கிடத்திய ஸ்டேன்டிங் நிமிடங்கள் மணிகளாய் மாறும் நேரங்களில்..


"ஏஏஏஏஏஏஏஏஏஏய்ய்ய்"


அலறுவது மனோ.!


*தண்ணீரில் அளவளாவ அனுமதி மறுக்கப்படுகிறது.


*வலுக்கட்டாயமாக சாதம் திணிக்கப்படுகிறது.


*புத்தகங்கள், கம்ப்யூட்டர், பிரிட்ஜ், செல்போன்கள், சிடிக்கள் போன்றவற்றையெல்லாம் கேட்டவுடனேயே அக்செஸ் செய்துவிடமுடிவ‌தில்லை.


*எவ்வளவு கவனமாக நடந்தாலும் இந்தத்தரை வழுக்கி விழச் செய்துகொண்டேதான் இருக்கிறது.


*நள்ளிரவு இரண்டு மணிக்கு கதவைத்திறந்து உலாத்தமுடிவ‌தில்லை.


*காரணங்கள் வேண்டுமா என்ன, பொழுதே போகாத தருணங்களில்..


"ஈஈஈஈஈஈஈஈய்ய்ய்"


அலறுவது கிச்சு (தி ஜூனியர்).!

என்னுடைய பயோடேட்டா

பெயர் : கிருத்திகா


வயது : இரண்டு முடிந்து மூன்று தொடங்கியது


தொழில் : படுத்துவது


உபதொழில் : தோளில் மட்டுமே தூங்குவது


நண்பர்கள் : வெளியே தூக்கிச்செல்பவர்கள்


எதிரிகள் : தண்ணீரில் சலம்ப விடாதவர்கள்


பிடித்த வேலை : கையில் கிடைப்பதை எடுத்து கண்ணில் படுவதன் மேல் எறிவது (அதாவது செல்போனை டிவி மேல் எறிவது போன்ற)


பிடித்த உணவு : ஐஸ்கிரீம், கேக் (அதுவும் இரவில்)


பிடித்த உடை : எதுவும் இல்லை (அதாவது எதுவும் இல்லாமலிருப்பது)


பிடித்த இடம் : ஃபிரிட்ஜ், பாத்ரூம் ( எப்போதும் தண்ணீரில் விளையாட வேண்டும்)


விரும்புவது : கொட்டிக்கவிழ்ப்பது (பவுடர் டப்பா - இது வரை குறைந்தது ஐந்து கிலோ காலி ஆயிருக்கும் , உணவுக்கிண்ணம், தண்ணீர் பாட்டில் என எதையும் எப்போதும்)


விரும்பாதது : சாப்பிடுவது


பொழுதுபோக்கு : இரவு நேரங்களில் அலறி பிறரை எழுப்பிவிடுவது


பிடித்த பொருட்கள் : வாட்ச், செல்போன் (அதுவும் அப்பவோடது) , ரிமோட், etc.,


பிடிக்காத பொருட்கள் : பொம்மைகள்


சமீபத்திய எரிச்சல் : கதவிடுக்கில் நிலையில் விழுந்து அடி வாங்கியது


நீண்டகால எரிச்சல் : பால்


சமீபத்திய சாதனை : முத்தம் கொடுக்கக் கற்றது


நீண்டகால சாதனை : 'ஒண்ணு போதும்டா' என நினைக்கவைத்தது

இது என்னுடைய போட்டோ , உங்களுக்கு இம்சை கொடுப்பதே என்னுடைய நோக்கம் !!!

இது என்னுடைய போட்டோ , உங்களுக்கு இம்சை கொடுப்பதே என்னுடைய நோக்கம் !!!